Ungmennafélagið Þróttur Vogum

Bílaþvottur og bón….Allir á hreinan bíl ….og styrkja meistaraflokk Þróttar í leiðinni !

admin — Mon, 07 May 2012 11:50:05 +0000

Bílaþvottur og bón….Allir á hreinan bíl ….og styrkja meistaraflokk Þróttar í leiðinni !

Meistaraflokkur Þróttar í knattspyrnu verður með fjáröflun næstu helgi og ætla strákarnir að taka að sér að þrífa bíla Vogabúa innan sem utan, og að sjálfsögðu að bóna líka J

Sækjum bílana og skutlum þeim heim aftur.

Verðskrá: Mjög hagstætt og ódýrt!
Fólksbílar: Alþrif að innan og utan, það er þvottur, tjöruhreinsun, bón, rúður pússaðar og þrif að innan. Verð 6.000.
Jepplingar: Alþrif að innan og utan, þvottur, tjöruhreinsun, bón, rúður pússaðar og þrif að innan. Verð 8.000.
Jeppar: Alþrif að innan og utan, þvottur, tjöruhreinsun, bón, rúður pússaðar og þrif að innan. Verð 10.000.

Styrkjum strákana og förum á glansandi fínum og hreinum bíl út í fótboltasumarið.

Björgunarsveitarhúsið laugardaginn 12. maí 2012

Pantanir hjá:

Matta Ægis 865-3722

Þóri Hauks 777-6508

Hannesi Smára 663-1108

Deila

Stjórn Þróttar

admin — Thu, 03 May 2012 13:06:43 +0000

Búið er að fullmanna nýja stjórn Þróttar eftir að okkur barst liðsauki frá þeim Júlíu Rós Atladóttir og Rebekku Riviere Magnúsdóttir. Er þetta frábær liðsauki enda mikið og skemmtilegt starf framundan hjá Þrótti á 80 ára afmæli félagsins.

Nýja stjórn Þróttar skipa því Kristján Árnason formaður Þróttar, Kristinn Þór Sigurðsson, Róbert Andri Unnarsson, Júlía Rós Atladóttir og Rebekke Riviere Magnúsdóttir. Varamenn í stjórn eru þær þaul reyndu stöllur Heiða Björk Elísdóttir og Sandra Helgadóttir.

Enn vantar þó að manna Foreldrafélag Knattspyrnunnar og Foreldrafélags Sundsins.

Oft var þörf en nú er nauðsyn þar sem að foreldrafélögin styðja við bakið á krökkunum, stunda fjáraflanir til að standa straum af keppniskostnaði og þar af leiðandi sparar foreldrum það að þurfa að leggja út fyrir því sjálfir. Þetta er nauðsynlegt starf innan Þróttar enda vinna margar hendur létt verk !

Þeir foreldrar sem að hafa áhuga á því að styðja félagið endilega hafið samband við framkvæmdastjóra í síma: 866-1699 eða á netfanginu: throttur@throttur.net

Deila

Það er þróttur í Þróttar stelpunum :)

admin — Thu, 03 May 2012 12:23:56 +0000

5. flokkur kvk Þrótti vann FH, 1-0 í Faxaflóamótinu síðastliðin laugardag.

Það verður að segjast að það hafi verið þróttur í stelpunum þar sem að þær lentu í þeirri óheppni að vera ekki með neinn varamann og þurftu því að spila allan leikinn án hvíldar. Þrátt fyrir þetta náði Eydís Ósk Símonardóttir að skora flott mark og tryggði Þrótti sigur í leiknum. Þetta var hörku leikur hjá báðum liðum

Óskum við stelpunum innilega til hamingju með sigurinn

Deila

Frétt frá UMFÍ um aðalfund UMFÞ þann 21.mars

admin — Wed, 28 Mar 2012 19:04:19 +0000

Nýr formaður kosinn á aðalfundi Umf. Þróttar

Aðalfundur Ungmennafélagsins Þróttar í Vogum var haldinn í Lionshúsinu í Vogum í gærkvöldi. Á fundinum var lögð fram skýrsla og reikningar. Nýr formaður var kjörinn Kristján Árnason en hann var varaformaður í fyrri stjórn. Miklar breytingar urðu á aðalstjórn félagsins. Helga Guðrún Guðjónsdóttir formaður UMFÍ var gestur á fundinum.

Fundurinn var ágætlega sóttur og voru umræður góðar. Mikil eftirvænting er með að taka nýjan knattspyrnuvöll í notkun í sumarbyrjun og verður vígsluleikurinn þann 25. maí n.k. þegar Þróttur mætir Víði í Garði. Mikið og gott barna og unglingastarf er hjá félaginu þar sem markmiðið er að hafa það gaman saman ásamt því að stunda heilbrigt líferni.
Á fundinum voru fulltrúar úr knattspyrnudeild og júdódeild félagsins ásamt fulltrúa meistaraflokks Þróttar í knattspyrnu með framsögu um starf sinna deilda. Var mjög áhugavert að hlusta á þá.
Mikil ánægja kom fram hjá fundarmönnum með þá ákvörðun stjórnar Þróttar á síðasta ári að lækka æfingagjöld og bjóða börnum og unglingum að stunda fleiri en eina íþróttagrein en borga aðeins eitt æfingagjald. Félagið hélt íþróttadag í október þar sem kynntar voru þær íþróttagreinar sem eru hjá félaginu. Tvær vikur á ári getur unga fólkið mætt á æfingar í hvaða íþróttagrein sem er sér að kostnaðarlausu.
Ný heimasíða hefur verið tekin í notkun og inn á henni má m.a. finna siðareglur, agareglur og eineltisáætlun félagsins. Ungmennafélagið Þróttur er 80 ára á árinu og er ætlunin að halda upp á þau tímamót með margvíslegum hætti.

Deila

Aðalfundur Ungmennafélagsins Þróttar

admin — Mon, 05 Mar 2012 21:23:46 +0000

Aðalfundur Ungmennafélagsins Þróttar verður haldin í
Lionshúsinu þriðjudaginn 20. mars kl. 20:00.

Dagskrá;

1. Kosning stjórnar og varamanna í stjórn, ásamt
skoðunarmönnum reikninga.

2. Önnur mál.

Óskum eftir fólki í stjórn. Áhugasamir hafi samband
við framkvæmdastjóra í síma: 866-1699.

Allir bæjarbúar sem hafa áhuga á barna og
unglingastarfi velkomnir.

Stjórn Þróttar

Deila

Flottur árangur

admin — Mon, 05 Mar 2012 18:28:00 +0000

Stjórn Þróttar vill óska Badda þjálfara til hamingju með að hafa staðist UEFA-b þjálfara gráðuna sína með glans.

Það er stolt okkar að þjálfarar Þróttar séu vel menntaðir á sínu sviði

Deila

Íþróttaskóli

admin — Mon, 05 Mar 2012 18:11:44 +0000

Því miður verður íþróttaskólinn á laugardögum felldur niður það sem eftir er tímabilsins.

Deila

Æfing fellur niður hjá 7 flokki kk

admin — Tue, 31 Jan 2012 15:11:54 +0000

Æfing fellur niður hjá 7 flokki kk í dag þriðjudaginn 31. janúar, vegna veikinda.

Deila

Badminton fellur niður í dag vegna veikinda.

admin — Tue, 31 Jan 2012 14:03:54 +0000

Badminton æfingin í dag þriðjudaginn 31.janúar fellur niður vegna veikinda.

Deila

Æfing fellur niður hjá 7 flokk kk

admin — Mon, 30 Jan 2012 15:03:51 +0000

Æfing 7 flokks drengja sem að átti að vera milli 16 og 17 í dag, fellur niður vegna veikinda þjálfara.

Deila